မင်္ဂလာပါခင်ဗျ။ ကျွန်တော့် နာမည်ကတော့ ဝေယံ ဖြစ်ပါတယ်။ ကျွန်တော်က သားလေး ဘုန်းမြတ်သီဟရဲ့ ဖခင် ဖြစ်ပါတယ်။ ကျွန်တော်တို့ ဇနီးမောင်နံက ယောက်ခမတွေနဲ့အတူ အိမ်အမှတ် (၃၈၁)၊ နွယ်နီ (၉) လမ်း၊ မြောက်ဥက္ကလာ မြို့နယ်မှာ အိမ်ငှားပြီး နေပါတယ်။ သားလေးက မွေးပြီး (၂) လ နဲ့ (၂၃) ရက် အကြာမှာ မွေးရာပါ သည်းခြေပြွန်ပိတ်တဲ့ အတွက်ကြောင့် ခွဲစိတ်ရပါတယ်။ အဲ့လို သည်းခြေပြွန်ပိတ် တဲ့အတွက်ကြောင့် အသည်းခြောက်ပြီး အသည်းအစားထိုး ရမည့် အနေထားကို ရောက်လာပါတယ်။ နောက်ဆက်တွဲ ရောဂါအနေနဲ့ ဗိုက်ပူလာပြီး ရေဖြင်းရောဂါပါ ဖြစ်လာ ပါတယ်။ နောက်ဆုံးအနေနဲ့ အသည်းအစားထိုးပြီး ကုသမှ ပြန်လည်သက်သာနိုင်တော့မဲ့အခြေနေ ဖြစ်နေပါတယ်။

သားလေး အတွက် အသည်း အစားထိုးမှုကို  India နိုင်ငံရှိ Apollo ဆေး Company  နဲ့ချိတ်ဆက်လုပ်ဆောင်ရမှာ ဖြစ်ပြီး U.S Dollar 30,000 ကျော် (၅၈၂ သိန်းခန့်) ကုန်ကျနိုင်တယ်လို့ သိရပါတယ်။ သားလေးက အခုတော့ Helpin ကလေး ဆေးရုံမှာ ကုသမှုခံယူနေရပြီး သားလေးရဲ့ ဆေးဝယ်ရတဲ့ကုန်ကျစရိတ်က တစ်ခါဝယ်ရင် (၉) သိန်းကျော်လောက် ကုန်ကျ ပါတယ်။

ကျွန်တော်ကတော့ လက်ရှိ ပွင့်ဦးကုမ္ပဏီမှာ Delivery Position ဖြင့်လုပ်ကိုင်နေပါတယ်။ အရင်ကလစာ ၁၆၀,၀၀၀/၁၇၀,၀၀၀ ကျပ်ရပေမယ့် အခုလိုကာလမှာတော့ ၁၃၀၀၀၀ ကျပ်သာ ရရှိပါတာ့တယ်။  အမျိုးသမီးကလည်း သားလေး မွေးပြီးထဲက အလုပ်နားလိုက်ရတဲ့အတွက် ကျွန်တော့်ရဲ့လစာလေးနဲ့သာ သားလေးကိုကုသပြီး ရပ်တည် နေကြရတာပါ ခင်ဗျာ။ သားလေးရဲ့ ဆေးကုသမှုကို ရှေ့မဆက်နိုင်လောက်အောင် ခက်ခဲကြပ်တည်းနေပါတယ်ဗျာ။ သားလေးကို အသည်းအစားထိုးဖို့ ကုန်ကျမဲ့ (၅၈၂) သိန်း အတွက်တော့ ပိုပြီး မျော်လင့်ချက်တွေ ဝေးနေတာပေါ့ဗျာ။ မွေးပြီးထဲက ဆေးရုံဆေးခန်းနဲ့ပဲ မွန်းကြပ်နေတဲ့ သားလေးဘုန်းမြတ် ပြေးလွှားဆော့ကစားနေတာလေးကို အခွင့်အရေး ရမယ်ဆိုရင် တစ်ခေါက်လောက်​ပြန် မြင်ချင်တဲ့ စိတ်ပဲရှိပါတယ်။

အခုလို အခက်အခဲကာလကြီးမှာ သားလေးဘုန်းပြည့်အတွက် အလှူခံရတဲ့အတွက် များစွာ အားနာမိပါတယ် ခင်ဗျာ။ ကျွန်တော့်ရဲ့ ဝင်ငွေနဲ့ သားလေးကို ဆေးကုဖို့ ဆက်မတောင့်ခံနိုင်တော့လို့ အခုလို အကူညီ တောင်းခံရတာ ဖြစ်ပါတယ်။ ကျွန်တော့်ရဲ့ ဖုန်းနံပါတ်မှာ 09771782549 ဖြစ်ပါတယ်။ ကျွန်တော့်ကိုအလှူငွေဝိုင်းကောက်ခံပေးတဲ့ စုစည်းရာ မှတဆင့် သားလေးအတွက် ဆေးကုသစရိတ်များ ထည့်ဝင်ကူညီပေးကြဖို့ တောင်းဆိုမေတ္တာရပ်ခံအပ်ပါတယ် ခင်ဗျာ။ ကျေးဇူး မမေ့ပါဘူးခင်ဗျာ။

KBZ Pay Account / 09251926616 (Su See Yar)
Wave Money Account / 09251926616 (Aluto Benli)